معلش .. أنا مش هبدأ مدونتى بكلام معسول وتهانى ..
وكأن كل الناس منتظرة ظهور الفتى الذهبى للكتابة فى القرن السابع والخمسين
ولأنى من الناس اللى بتحب تخالف وخلاص .. سميت مدونتى .. مش راجع
طبعا أول سؤال هتسألوه ..
مش راجع فين ؟؟
مش راجع ليه ؟؟
وممكن كمان واحد زكى يسأل .. مش راجع أمتى ؟؟
والإجابة على الأسئلة ده كلها أنا هسيب حضراتكم تعرفوها مع الزمن ..
هسيبكم تعرفوها مع الزمن .. لأنى بصراحة يا اخوانا .. مش عارف اجابتها أصلاًُ
لكن أهم حاجة فى الموضوع .. إن ما دام رامى راجع
يبقى أنا مش راجع
أنتظرونى يا شباب .. مع أول مواضيعى بعد عقد زواجى إن شاء الله ..
وطبعاً حضراتكم كلكم معزومين
واللى عاوز يعرف الفرح فين يسأل بتاع مدونة راجع .. الله يسامحه
ومـــــش راجــــــــع
هناك تعليقان (2):
مش مصدق عينيا
ولا ايديا
كان طبيعى جدا ان أكون أول تعليق
عالم التدوين هيولع
قصدى هيشعشع
أقصد يعنى ان عالم التدوين دخله اليوم مدون مالوش زى
و مالوش حل
هو فعلا مالوش حل
سعدت جدا بمدونتك
و بجد ربنا يباركلك و يجعلها طريق جيد لعدم الرجوع
أقولك أنا لعدم الرجوع لإيه
ولا أسيبك تقول انت أحسن
عموما يا بشمهندس أحمد
يا حبى الأول و الأوسط طبعا مش حبى الأخير
عموما
أظنها خطوة جريئة و صائبة منك بداية التدوين لأنى على يقين أنه كانت هناك حلقة مفقودة فى حياتك
أسأل الله أن يملأها بزواجك
و أن تكون المدونة موطن جيد للبوح بما لا تبوح لغيرها به ولا حتى أنا يا أحمد
و يسعدنى أن يكون اسم مدونتك عكس اسم مدونتى
ولعل ذلك مثل أغلب المواقف بيننا
و لكن فى النهاية سنتفق كالعادة كأغلب مواقفنا معا
لكنى لا أعلم
على أى شئ سنتفق
هل الى الرجوع ؟؟ أو عدم الرجوع؟؟
لكن دعنا نترك الأمر للقدر
لعلنا نتقابل فى وسط محايد
عند سيد حنفى مثلا؟!!!!!!!
أعلنها لك على الملأ
أحبك فى الله يا بشموهدسى العزيز
مبرووووووووك على التندوينه
وعلى الجوازه ياعم
وعقبالنا ان شاء الله
إرسال تعليق