بالصور والأدلة .. صاحب مدونة راجع يتنازل عن مبادئه

ههههه ..

بالصور والأدلة .. صاحب مدونة راجع يتنازل عن مبادئه

بعد رفع الشعارات الرنانة .. وفى أول قنبلة من القنابل الصحفية التى أنقلها لكم .. تنازل صاحب مدونة (راجع) عن كل مبادئه والتى قال فيها بأعلى صوته (تحيا العزوبية) .. رافعاً الراية البيضاء .. طالباً منا العفو والسماح .. ورفع أيضا مع الراية البيضاء .. أحد أهم الكتب التى يقرأها الشباب الملتزم المقبل على الزواج (تحفة العروس) .. وفى اليد الأخرى يحمل أكبر شعارات الرومانسية عند البنات (الدبدوب) .. والصورة خير دليل .. وسلملى على المبادئ

رابط مدونة راجع .. ههههههه ... أل راجع أل ؟؟!! .. http://www.rage3.blogspot.com

ألقاكم فى القنبلة التالية .. انتظرونى

أنا مش راجع يا رامى

معلش .. أنا مش هبدأ مدونتى بكلام معسول وتهانى ..

ومش هبدأ مدونتى زى أخونا بتاع مدونة (راجــــع) .. اللى بيقول أخيراً يا أخى

وكأن كل الناس منتظرة ظهور الفتى الذهبى للكتابة فى القرن السابع والخمسين

ولأنى من الناس اللى بتحب تخالف وخلاص .. سميت مدونتى .. مش راجع

طبعا أول سؤال هتسألوه ..

مش راجع فين ؟؟

مش راجع ليه ؟؟

وممكن كمان واحد زكى يسأل .. مش راجع أمتى ؟؟

والإجابة على الأسئلة ده كلها أنا هسيب حضراتكم تعرفوها مع الزمن ..

هسيبكم تعرفوها مع الزمن .. لأنى بصراحة يا اخوانا .. مش عارف اجابتها أصلاًُ

لكن أهم حاجة فى الموضوع .. إن ما دام رامى راجع

يبقى أنا مش راجع

أنتظرونى يا شباب .. مع أول مواضيعى بعد عقد زواجى إن شاء الله ..

وطبعاً حضراتكم كلكم معزومين

واللى عاوز يعرف الفرح فين يسأل بتاع مدونة راجع .. الله يسامحه

ومـــــش راجــــــــع